| PEYI GWADLOUP apa on papiyon.
piti kon y pe ye , tout zil a peyi Gwadloup dwètèt enpòtan an zye a tout Gwadloupeyen |
|
|
.
|
| PEYI GWADLOUP apa on papiyon.
piti kon y pe ye , tout zil a peyi Gwadloup dwètèt enpòtan an zye a tout Gwadloupeyen |
Metropolitain (on ti détay)
Mi bab ! gason a tobi lévé gawoulé pou on ti détay ki ka fè dè nou sa nou yé .
Gason a tobi vlé yo konsidéré-y métropolitain , davwa y fèt an "métropole" . y ka di . _ "si Quantin le blanc qui est né en Guadeloupe se fait appelé métropolitain pour le seul motif que ses parents l'ont été , il n'y a aucune raison que moi qui suis né là bas , de mère métropolitaine n'est pas ce même privilège . J'estime que c'est du racisme pur et simple . Je suis un métro , et je revendique mon droit à ce titre haut et fort ."
Hi hi hi ! tobi junior vlé kalbandé systèm-la yenki an favè-ay . Hi hi hi y ka santi-y blan !
Si zòt konpwann o pwèmyé dègré , zòt ké pétèt ri dé mo kat pawòl ay la sa .
men konpwann !
tobi junior sé moun a bisness . é y byen konpwann an kijan systèm fwansé-la ka maché adan koloni-la . tobi junior sav ki pou-w ni onlo favè an koloni-la-sa , fè-w métropolitain .
Pou zot pésa bien konpwann sans a reflèksyon a tobi junior , fè zòt té rantré an kontèks Gwadloupeyen-la .
Si an diksyonè a "métropolitain"-la , metropolitain vlé yenki di an palé-ay : "Qui appartient à la métropole."
Metropole : "Capitale d'un Etat, d'une région. L'Etat par rapport aux territoires extérieurs qui dépendent de lui."
En gwada , Metropole oben metopolitain patini menm sans ki an diksyonè a métropolitain-la.
En gwada , metopolitain vlédi maître Blanc . E , metropole vlé di an réyalité ba moun an gwada , Peyi a mèt-blan-la .
davwa , lè sé télé jounal é radyo a sé koloni la ka dékatiyé on fwansé fondal , y paka di blan , men ka di " métropolitain" é menmsi y sé on Kòws .
Si yo vlé palé dé on nèg zendyen oben arab ki ka viv an "metropole" , yo ka touvé on mennyè pou bay on orijin dòt ki métropolitain . menmsi moun-la-sa sé 5ème oben 6ème jénérasyon a moun a péyi a nèg zendyen oben arab kolonizé ki té débaké an métropole-la ja ni plis ki 100 lanné.
Men on roumain oben on òstralien ki débaké an metropole a koloni gwada tini sèlman 2 oben 3 lanné , é ki nasyonalizé-y fwansé , ka vin otomatikman an zyé a moun an Gwadloup , un métropolitain kivlédi Maître Blanc Supérieur a sé nèg kolonizé gwada-la .
alòs , pou tout neg an péyi fwansé ki ka santi yo égal mòdan a on blan adan systèm-la-sa , zòt péké jenmen ni le "privilèj" de vini on métropolitain an koloni gwada . davwa tousa sé on "affaire de teint". Metropolitain vlé di privilèj rasial. É sé on byten ki on kalazaza kon tobi junior poko vlé konpwann é admèt épi goumé kont sa . men y dwèt jaka plito rigrété papa-y nwè .
Metropolitain , priviléjié rasial oben mèt blan , tousa vlé di menm byten-la . Lè on métropolitain débaké an Gwadloup , tout pòt ouvè ba-y . y tini fasilité a krédi , travay , lòjman , ...etc. é jistis fwansé ké toujou an favè ay lè y an bab épi on kolonizé .
On kolonizé gwada pépa réisi vin on gwotchap pwofésyonèlman adan koloni-la-sa , si y pa lyanné-y oben mayé épi on metropolitain (e) . É sa grav . Davwa ka ki pli rasis ki sa ?
Men si sa konsa , sé davwa nou konplis san nou sav , a on systèm ki paka konsidéré nou égal pyèt égal mòdan épi pèp metropolitain-ay .
Pèp gwadloup , lè zòt ka kriyé on blan menm lè y pa fwansé , on métropolitain , sav ki sé on "Complexe d'infériorité" ki zot ka devwalé san ki zòt menm sav. Men metropolitain-la , y sav li .
moun gwadloup mèt zòt a nivo a tout moun . davwa zòt pa mwens moun ki ponmoun . kriyé on chat , on chat .
An-K
Apa Pon abwakadabwa ki fè si bwabwa gwada bwak
Pa ay di sé pon mayémen pon malaba fouté ki fè si péyi-la an chengteng kon y yé la .
pa ay di sé pon vyé nèg a vyé mès ki fè pon vyé kenbwa ki fè si péyi-la an kakakòk kon y yé la .
pa ay di sé pon kout-dawa ponmoun fouté nou , ki fè si nou ka kontinié voyé monté politisyen bwabwa gwada an nou an tèt a péyi an nou . davwa sèten pa pétèt , apa pon abwakadabwa ki fè si bwabwa politik gwada bwak jan yo yé-la .
Toumoun ki tini zye a yo gran ouvè , pé konstaté ankijan sé agoulou granfal dirigonflis politisyen bwabwa ravèt-la-sa ka fouté opiyaj tout patrinwan é richès nasyonal a péyi an nou pou mwens ki on bannann a séparé pou fanmi é zanmi a yo . Yo ka vann é ka kité vann péyi-la ba tout kalité moun a dòt bò ki pani pon rapò épi péyi-la . sé bwabwa la-sa pani pon konsians nasyonalis e se pouki yo péké pòté pon mannèv pou sòti gwada an chié-la y yé la , men yo ké pito chèche vwè si yo ka démantibilé idantité gwadloupeyen-la pou yo pesa gannyé détwa bannann anplis ba yo . .Sé "moun"-la-sa paka vwè gwada kon péyi a yo oben menm on péyi a pitit a yo . yo pani pon vizion politik gwadloupéyen pou sé 20 oben 50 lanné-la ki ka vin-la . pétèt ki an balan-la yo kay-la , yo paka vwè gwadloup ké èkzisté an sé tan-la-sa .
e se pouki pitiapiti Gwadloup ka foukan an men a Gwadloupeyen. akòz a bwabwa politik dirigonflis an nou . e si nou pa doubout pikan e pòté bon mannèv , se yenki zye an nou nou ke tini pou nou plere peyi-la . davwa , nou ka vwè ki dèplianplis pèp-la ka voye douvan politisyen ki patini pon santiman nasyonalis Gwadloupeyen . Tout se nonm e fanm politik-la-sa deside mèt kò é sèwvis a yo anba lòd a pawti politik fwansé . e se sa ki ka fè di yo moun a lèspwi asiste .
Alèkile , sa ki ka menne an peyi-la , se UMP , PS , Les Verts , MODEM , e on pakèt dòt mouvman politik fwansé . Oti sé gran mouvman politik Gwadloupeyen-la ki teka voye douvan enterè a Gwadloup epi pep-ay . Oti sé mouvman politik-la ki té tini adan yo on nanm nasyonalis Gwadloupeyen . davwa sa ki ka fè reyisit a on peyi e pèp-ay , se grandè a lanmou-la ki pitit-ay ka pòte ba-y .
se kon nou pe pwan pou èkzanp peyi Fwanse ki tini an tèt-a tout enstitisyon-ay , tout mouvman politik-ay yenki nasyonalis fwansé .
Ki fwanse ki plis pou lendepandans a peyi fwanse ki Sarko a "UMP" , holland a "PS" , Le Pen a "FN" , Bayrou a "Modem" , Buffet a "PC" , Voyney a "Les Verts , oben ankò besansnot a "LCR" .
Tout sé moun-la-sa , yo sé mètamannyòk a mouvman politik a diféran bò , yo paka vwè devlòpman a peyi a yo an menm jan-la , men sa ki sèten , y tini on sèl byten ki ka lyanne yo tout , sé lendepandans a peyi a yo. davwa yo tout . Sé endepandantis fwansé ablòk .
sé fwanse-la-sa peke kite pon kalite moun a pon dòt peyi vin ba yo lòd asi jan pou menne peyi a yo . é jou sa ké fèt , péyi fwansé ke touvé-y an kakakòk kon péyi gwadloup yé jodi .
si pèp fwanse se moun vèwtikal e tout dòt péyi ka rèspèkte yo , sé padavwa yo enmé peyi a yo ki ta yo.
nou ka touvé sé menm konpòwtasyon e mantalite-la-sa koté moun a dòt peyi ki politik a yo paka dépann di dòt péyi .
Alòs pouki nonm e fanm politik a peyi Gwadloup patini pon santiman nasyonalis Gwadloupeyen . men pli move ankò , se bwabwa-la-sa ki ka touvé yo a 8000Km a peyi kolonialis fwanse ka touvé yo tini on konpòwtasyon a nasyonalis fwansé . kivlédi yo ka woule pou péyi fwanse gade lendepandans-ay . Sa ki pani pon sans mowal e ki menm le pli gran psykat asi latè péké pé rive èsplike kalite konpòwtasyon-la-sa .
bwabwa politik an nou paka santi yo Gwadloupeyen e an lespwi a yo , yo se moun Gwadloup . yenki sa ! !
politisyen a bann-zil an nou sé vijil é valèt a léta kolonialis fwanse an peyi an nou . se bwabwa sèwpiyè-la-sa , yo la pou voye monte system èsklavajis , kolonialis a léta fwanse e ewopeyen-la . yo ka voye douvan ( listwa , lang , pèp , kilty )fwansé e an menm balan-la , yo ka diabolizé tout patriyòt Gwadloupeyen , toumoun ki tini on santiman nasyonalis Gwadloupeyen e fè yo pasé pou moun rasi , Teworis , fonksyonè , moun byen plase , diktatè , malmake , vòlè . . .
Apwe ki fwanse té tchouye tout nèg mawon , yo aboli lèsklavaj ba se nèg dousin-la , detwa tan apwe , yo fè on lwa a asimilasyon pou fouwe se kolonize-la adan , epi yo mèt on lwa a depawtèmantalizasyon pou fin travay-la . e se tousa ki fè ki yo chanje lèspwi an nou , e ki ka fè jodi , nou pa wont di sa nou ye (ravèt) , e nou ka pòte onlo lanmou an tchè an nou , pou on péyi ki poko jen rete fann tchou an nou .
An reyalite , pèp-la poko jenmen sòti èsklav a peyi Fwanse .
An-K
Ba kisa OBAMA ka woulé !?
tini onlo moun ka di . "si obama vin pwézidan a péyi étazini , sa ké on bon byten ba nèg asi latè" .
Tousa sé pawòl a manti mantè ! é tout nèg mawon ki ka kwè an boug-la-sa ké bwè dlo mousach pou lèt .
 | Sa ki rivé rivé , men apa élèksyon a Obama an tèt a péyi-étazini ki ké chanjé gran zafè ba nèg étazynyen . Si Obama vin pwézidan , séké asi on étikèt a mouvman démokrat étazinyen . kivlédi , y ké apliké on pwogram a pawti démokrat a péyi-la y an tèt ay-la , é pou on sèl entérè, ta pèp étazynyen , é zanmi a yo . |
| Trinidad & Tobago é Gwadloup fè 0-0 |
21 Lwa fondalnatal a péyi a nèg a blan .
Pwéanbil
Péyi a nèg a blan sé on ti péyi pwèskè ponmoun pa konnèt . sé on ti péyi ki tini adan-y 70% a pèp-ay ki nwè , men 90% a administrasyon , a ékonomi-ay an men a sé blan-la . Pa konpwann si sa konsa sé padavwa tini apawtèd oben sé blan-la hayi moun nwè an péyi-la-sa ! awa ! awa ! awa ! . Si sa konsa sé paskè popilasyon a péyi a nèg a blan vlé sa . Sé yo ki chwazi ki sa kon y yé-la . é yo péké changé sa pou ahak asi latè . Dayèpouyonn yo tout ka di-w , "ti péyi-la sa sé on paradi . Sé poukwa , yo toujou voté a 2 men é zyé fèmé pou sa rété konsa . Pou onlo nèg a péyi dòt bò ki mèt pyé an péyi-a nèg a blan pou fè touris oben pou travay , yo ka di , yo ka rigrété ki yo fouwé kò a yo an tou a diab-la-sa . Si yo ka di sa , sé davwa yo paté konnèt lwa fondalnatal a péyi a nèg a blan . On lwa , si ou swiv-li kon y ékri , vou osi ou ké touvé péyi a nèg a blan sé on paradi .
Alòs , pou viv alèz-aw an péyi a nèg a blan ,
sav ki :
Awtik 1-) An péyi a nèg a blan , blan sé potomitan a mantalité a popilasyon nèg a blan a péyi-la .
Awtik 2-) An péyi a nèg a blan , sé blan ki liwa , sé li ki mèt . ka ki pli nòwmal !
Awtik 3-) An péyi a nèg a blan , tousa blan fè bon , tout pawòl a blan sé vérité , é on nèg a blan pa dwèt jijé on blan .
Awtik 4-) An péyi a nèg a blan , pli kouyon , pli tèbè , pli boloko , pli bwak , pli bòklè , adan tout sé blan-la , ka touvé-y égal pièt égal mòdan épi pli gwotchap a tout sé nèg a blan-la .
 |
| tobi |
Awtik 5-) An péyi a nèg a blan , nou ka apwésié nèg a blan politisyen bwabwa an-nou . Davwa , yo san lonè , san lèspwi nasyonalis , yo dirigonflis , sèwpiyè , ravèt , yo sé moun ki pani dinyité , yo paré a bésé -yo pou on monné . Epi politisyen nèg a blan an-nou , nou sèten ayen péké chanjé an péyi-a nèg a blan , é sé sa nou vlé .
Awtik 6-) An péyi a nèg a blan , nou pa enmé nèg mawon , davwa sé kalité nèg-la-sa ka fè tout blan pè . é kon toumoun sav , la ki tini nèg mawon , blan paka fè sa yo vlé . é sa pa bon pou limaj a péyi a nèg a blan .
Awtik 7-) An péyi a nèg a blan , lavi-la bèl dèpi sé blan ki ka menné .
Awtik 8-) An péyi a nèg a blan , nou pa enmé palé di sa yo ka kriyé politik ékonomi é dòt byten konsa . sa nou enmé sé dansé , jwé mizik , chanté , anmizé ,"champagnes é ptits fours" . kivlédi nou enmé chomaj an tout sans a mo-la .
Awtik 9-) An péyi a nèg a blan , nou paka konséyé-w travay ba on konpatriyòt , on nèg , menmsi y nèg a blan . davwa sé moun-la-sa pé rivé fè lajan gras-aw , asi do-aw .
Awtik 10-) An péyi a nèg a blan , malpalé nèg sé ispò nasyonal-la .
Awtik 11-) An péyi a nèg a blan , mépwizé on nèg , sé montré an kijan ou ni on lèspwi gran wouvè . sé on pwèv ki ou tini on konsyans intélèktièl.
Awtik 12-) An péyi a nèg a blan , nou hayi tousa ki nwè .
Awtik 13-) An péyi a nèg a blan , sa nou ka konséyé-w sé on métisaj . davwa pli po-a pitit-aw ké chapé , plis y ké on moun enpòtan an sosyété a nèg a blan .
Awtik 14-) An péyi a nèg a blan , modèl an nou dwètèt blan . alòs nou ka konséyé zòt palé kon blan , chanté kon blan étidié kon blan , makiyé kon blan , mèt chivé a blan , mèt zyé a blan , fè lanmou kon blan , réfléchi kon blan , travay kon blan manjé kon blan , pléré kon blan , ri kon blan . . .
 |
| Ken & Barbie |
Awtik 15-) An péyi a nèg a blan , pou ba blan a dòt bò on bon limaj a péyi-la , sa enpératif ki tout nèg a blan politisyen , ispòtif , awtis , antrèpwènè , grotchap , granjans , entèwnasyonal a péyi-a nèg a blan , mayé , oben , lyanné-yo épi blan . Davwa , nou ka kwè ki pani pli bèl mannyè pou fè sé blan-la vwè ki yo sé moun enpòtan an zyé an-nou .
Awtik 16-) An péyi a nèg a blan , si ou ka palé mwen di ansèt èsklav an mwen , alòs , fo ou palé mwen di ansèt golwa an mwen .
Awtik 17-) An péyi a nèg a blan , pa jenmen palé mwè di " fwè " afwiken an mwen , paskè sé moun-la-sa pani ahak a vwè épi mwen .
Awtik 18-) An péyi a nèg a blan , rèlijion an nou sé kristianizm (katolik , évajélis , alvantis , témwen jéwova ...) mizilman , jwif . alòs pa vini fè nou chié épi atona , amona , é on pakèt dòt maji a sèkt ankò .
Awtik 19-) An péyi a nèg a blan , télé épi radyo "National" a péyi a nèg a blan dwèt valorizé tousa ki blan , tousa ki ta blan , tousa ki ni on liannaj épi blan , tousa ki ka palé an byen di blan , tousa ki ka voyé monté systèm blan-la . télé épi radyo "National" a nèg a blan dwètèt Malpalé tousa ki nèg mawon , tousa ki ka palé di nèg mawon , tousa ki ta nèg mawon tousa ki an bon rapò épi nèg mawon tousa ki ka voyé monté on systèm a nèg mawon , tout nèg ki tini on fièl a dinyité , tousa ki vlé kalbandé systèm blan-la.
Awtik 20-) An péyi a nèg a blan , si ou ka woulé fwansé , ou ké pasé tout koté . davwa , palé fwansé vlé di savan an péyi a nèg a blan .
Awtik 21-) An péyi a nèg a blan , nèg a blan épi konplosité a papa blan an nou , dwèt rantré an lagé kont tousa ki dinyité , égalité , libèté , mowalité, spiritialité a nèg , é oblijé tout kamit a èkzilé-yo an péyi a Nèg Mawon .
knouye.over-blog.com
 | HYMNE NATIONAL |
| |
MASOTO PADON
Komémowé abolisyon a lèsklavaj é komès a nèg , sé pli gwo wont é imiliasyon pou pèp Gwaddloup .  | Ja tini yonn dé lanné , pep a gwadloup ka kouwi kon tèbè pou ansyen mèt èsklavajis a yo jou a 27 mé . tousa , pou yo pésa komémowé abolisyon a èsklavaj épi komès a nèg . gadé yo ka voyé shoelcher épi tout bann-ay monté . é lanné la-sa , mi yo paré a niché bonda a tout désandans a machann a nèg . mi yo ka komemoré bon jès a gouvèlman péyi fwansé . sa tris a vwè . gadé yo ka valorizé tout rasis kolonialis kriminèl pédofil violè volè fwansé a tan-la-sa . gadé yo ka hélé : sé gras a schoelcher ki pòté ban nou abolisyon a lèsklavaj . é yo kontan di sa ! é yo kontan di sa . ! ! davwa pou yo sé nèg ki pòté lèsklavaj . sé sa Fwansé ka di . é yo ka répété sa yo ka tann fwansé ka di . menmsi yo sav an fon a nanm |
| a yo ki sa pa vwé . |
| Yo (Gwadloupeyen) ka komémoré akt a on | péyi fwansé ki fouté pèp a yo (Gwadloupeyen) an |
 | èsklavaj. yo ka kriyé woulo ba péyi Fwansé pou bon tchè- ay davwa péyi fwansé délianné nèg anba jouk a lèsklavaj . é sa paka totoy lèspwi a pèp gwadloup lè y ka tann fwansé ka pòté lonè é rispè ba NAPOLEON BONAPARTE é tout bann malmaké rasis-ay . gèy Gwadloupeyen ka komémoré on vyé kalité nèg kon pelaj , chyen-la-sa vin on modèl é |
| on visionè pou tout bwabwa politisyen | asimilasionis gwada . |
| Men gadé an kijan gouvèlman fwansé kalbandé listwa an nou | sé bouwo-la sé bawbaw-la |
 | ka sòti "blanchi" adan tout bab a komès a nèg-la-sa . mi alèla sé listwa a yo ki vin tannou . mi yo ka di , sé yo ki sòti nou nèg anba chenn a fwè afwiken an nou ki téka vann nou kon ti pen ba yo(blan) pou on ayen . sé sa yo di ! ! men konm nou ka kwè tousa yo di ! alòs si yo ka di-sa , sé vwé . |
| menmsi sa pa maké pon koté asi ponkayé a an tan nanninannan . |
| men vou MASOTO , vou ki té la , vou ki | konnèt tout listwa-la . pouki ponmoun vlé pa-w |
 | palé ponmoun vlépa-w di sa-w ni a di . Ponmoun vlépa sav sa sé vèwmin-la sé bawbaw-la , sé vanpiw-la fèw . konmsi pèp-aw té pè , konmsi pèp-aw té wont . Massoto , pèp aw wont vou ! yo won "lstwa aw" . listwa fwansé ka rakonté si-w . Alèkilé toumoun ka di ou té on malmaké , on mové sijé , on "nèg mawon" , on movélawon . sé |
| sa fwansé ka di asi-w . men konm nou | nou ka kwè tousa fwansé ka di ! alòs si yo ka |
| di-y , sé vwé . |
| MASOTO , an ka mandé-w padon pou krim nou ka komèt asi | Istwa-aw . |
 | padon pou viol nou ka fè asi mémwa-aw . sa tris ! sa tris a sav ki akòz a pitit aw , lèspwi aw paka rivé dòmi an pè . sa tris . an ka mandé-w padon davwa nou pa sav ka nou ka fè . sa tris toubòlman ! on nonm kon vou ki bay vi aw pou dinyité é rispè a nonm doubout ki nou té dwèt yé . |
| vou ki lité pou chak moun té viv égal pyèt égal mòdan |
| MASOTO an ka | mandé-w padon pou pèp gwadloup .davwa nou pa sav ka nou ka fè. |
 | an tan aw , ou té on nonm a lèspwi lib é sovaj , menmsi péyi-la téja maré .Men ou té konnèt ka ki dinyité , paskè-w té gadé lèspwi afwiken nanninannan-aw ou té sav kay jistis é téja konpwann ki pani ponmoun ki pli moun ki dòt moun . Mi sé sa yo vlé kriyé " Droit de l Homme " jodijou . é si an di-w sé péyi fwansé ki yo ka kriyé joudi "Pays des droits de l Homme" , ou ké hanny é kalbandé |
| an tou a mò-aw davwa | sa tris toubòlman . |
| POLITISYEN GWADA SE RAVET
Gligli ki ka manjé tout kalité kochoni ka di ravèt sé sèl bèt ki-y péké janmen mèt an bèk menm an tan a dizèt .
É menmsi gran manman poul blan ki enpilsif , é Ki toujou tini vyé manni bèkté-w pou tèsté-w , men y toujou di "sa ki an bèk pa an fal . padavwa y konnèt répitasyon- aw ravèt . Yo tout sav , fwékanté chyen , ou ka trapé pis .
Ravèt ou trèt é sé pétèt pousa tout dòt bèt ka touné-w tèt . Ou mérité pyétiné paskè sé sa ou dwèt enmé , ou toujou planton a tout vyé soulyé fwansé , apa pou-sa pyé fwansé paké voyé-w chyé . Ravèt ou sé on mako , boloko . Menm apwé yo bégoné-w , pou èkstèwminé-w ou toujou paré pou rékonsilié padavwa ou patini dinyité .
É si yo toujou ka touvé-w pwi an tout manjékochon , sé paskè ou sé on bèt a mové fwé , on fwé rasi ki ka santi manti , ki ka ba moun anvi vomi .
Ravèt , nou ka mépwizé-w , nou ka malpalé-w .
Pòv ti-bèt ! Paré a vann pèp-aw pou on ti miyèt . Men kon toumoun konnèt , chyen ki ka manjé chyen , sé mové chyen . Ravèt , ou sé on mové ti bèt .
Pétè ki pou-w , fè onlo jèsmakak tousa sé yenki on jé ! Men ou toujou sonjé ki tout jé sé jé , men kasé ti bwa an bonda a makak pa jé . É sé pousa ou toujou fè tansyon a koté ou ka jwé . Yenki gadé la-w rivé an pit a gouvèlman fwansé , Djèl aw sentré kon djèl a kabwit ki bwè dlo fwapé . Paskè ou sav , ravèt kon vou pa jen ni rézon douvan poul . Men , La bayè ba bèf ka janbé . Alòs , lè ou douvan pèp-aw , sé onlo gran wélé men pawòl an djèl pa chaj é palé fwasé pavlédi savan . Ravèt , avan ou té makak an téja pyé-bwa !
Béké épi klordékon , mi sé dè yo pou-w palé douvan dépité an pit a gouvèlman fwansé . Béké épi klòr pwazoné tout pèp-aw , ki fè jodi tout pèp-aw ka dékoné , yo ka kouwi fou kon foufou , ni sa ki ka volé é dòt ka touné viré kon krab rogé ki ka chèché on tou pou ponn yonn dé zé .
Piti kon touloulou ou yé , men vlé montré ki kaka-aw gwo , ou vlé fè sanblan jwé lé Ti-mal , men tout pèp-la sav ki Dé mal krab paka rété an menm tou-la . É si ou la timal , sé davwa an zyé a kòk golwa-la , ou sé yenki on bwabwa . Ravèt ou sé on lavèt . Ou la kon klaklak té la avan vou é apwé vou ké toujou tini on dòt vèwmin kon vou , pou fè pèp-aw majé kaka-poul pou bè .
Ravèt ou pwofitan asi pwòp pèp-aw ki inyoran . Haaah , si sèlman kochon té sav pouki yo ka nouri-y , y paté ké jenmen manjé . Érèzdibonè ! Chak kochon tini sanmdi a yo . É chyen paka fè chat . On jou ké vwè jou pou pèp-aw pé voyé-w soukwé sak-aw la-w vann chabon . K-our Knouye.over-blog.com |
si peyi Gwadloup se on zill a de zèll , alòs an pa Gwadloupeyen . an se on moun a zil dezirad 
oben granntè 
. . . Davwa , lè an ka tann pale dè Gwadloup e yo ka ban mwen vwè yenki 2 zil , an paka santi mwen adan-sa , pas an toujou sav ki peyi Gwadloup 
, tini zil Dezirad 
, zil Granntè 
, e dòt ti zil 
ki-y .
.
